Projekti

Sfida e përbashkët e PRO-ENERGY është përmirësimi i efiçences energjetike të objekteve të ndryshme publike (shkolla, muze, qendra inovacioni etj). Territoret pjesëmarrëse përballen me problemet e zakonshme të objekteve të vjetra, fasadave të ndërtesave të vjeteruara/amortizuara, materialeve dhe pajisjeve (izolim, pajisje, sisteme ftohje/ngrohjeje etj.), papergjegjshmeri dhe ndërgjegjësim të ulët për energjinë, mungesë të nëpunësve të aftë civilë, që çojnë në konsum të lartë të energjisë dhe emetim të CO2. Kjo, si dhe fakti qe territoret pjesëmarrëse janë të varura nga importet e energjisë, tregon se ka vend për përmirësime në konsumin e energjisë dhe përdorimin më efikas të energjisë. Më e rëndësishmja, roli shembullor i sektorit publik duhet të promovohet duke rritur kursimet e energjisë në ndërtesat publike. Me fokus në sjelljen e konsumatorit kundrejt efiçencës se energjisë, PRO-ENERGY synon të adresojë të gjitha problemet kryesore, duke zhvilluar dhe zbatuar strategji dhe plane veprimi të përbashkëta, duke rritur kompetencat e investitoreve dhe operatorëve ne sektorin e ndërtimeve publike, duke zhvilluar dhe aplikuar teknologji dhe mekanizma për reduktimin e konsumit të energjisë në ndërtesat publike dhe promovimin e praktikave dhe rezultateve me të mira të gjeneruara nga projekti/subjekteve të tjera vendore/rajonale/kombëtare në rajon.